Бишкекте аял тигүүчүлүк үчүн казакстандык аялдан 24,5 миллион сом алып, дайынсыз кеткен

Бишкекте өзгөчө ири өлчөмдө алдамчылыкка шектелген аял кармалды.

Октябрь райондук ички иштер бөлүмүнөн билдиришкендей, үстүбүздөгү жылдын 17-мартында милиция кызматкерлерине Казакстандын жараны К.А. кайрылып, Ж.Т аттуу жаран февраль айында андан 24 миллион 779 миң сомун алып кеткендигин билдирген. Анын ордуна ал кийим тигүүнү убада кылган. Бирок ал убадасын аткарбай, көздөн кайым болду.

Иликтөө иштеринин жүрүшүндө тергөөчүлөр кылмышка шектүү — 1990-жылы туулган Ж.Т.

Ал бир айга камакка алынып, СИЗО-1ге камалды.

Милиция кылмышка шектүүнүн аракетинен жабыркагандардан 0500 15 11 11, 0703 00 72 64 же 102 телефон номурларына кайрылууну өтүнөт.