Бишкекте дагы эки көчө бир тараптуу болуп өзгөртүлдү

Бүгүн, 6-январдан Бишкек шаарындагы Ж. Турусбеков жана Т. Үмөталиев көчөлөрү бир тараптуу болуп өзгөртүлдү.

Тактап айтканда, Ж. Турусбеков көчөсү Москва көчөсүнөн тарта түштүктөн түндүк багытка карай Жибек-Жолу проспектисине чейин бир тараптуу болду. Ал эми Т. Үмөталиев көчөсү Жибек-Жолу проспектисинен тарта түндүктөн түштүк багытка карай Москва көчөсүнө чейин бир тараптуу болуп өзгөртүлдү.

Эске сала кетсек, Бишкек шаарынын мэриясы борбор калаада тыгын көйгөйүн чечүү максатында бир нече көчө бир тараптуу болуп өзгөртүлөрүн билдирген.