Бишкекте карды тазалоого тоскоол болгон унаалар эвакуацияланат. Бул тууралуу мэриянын басма сөз кызматы билдирди.
Муниципалитеттен билдиришкендей , унааларды туура эмес коюу жолдорду карды тазалоого бир топ кедергисин тийгизүүдө.
«Тазалык» ишканасы борбор калаанын жолдорун тазалоону улантып жатканын мэриядан кошумчалашты. Акыркы үч күндө жолдорго 500 тоннадан ашык туз чачылса, анын 74 тоннасы тротуарларга жумшалган.
"Көчөлөргө 39 атайын техника чыкты: 27 кар тазалоочу, 1 кум чачуучу, жүктөгүч, щетка жана күрөктөрү бар төрт «Беларусь» трактору, 5 универсалдуу УКМ-2500. Жол боюндагы аялдамалардагы жана тротуарлардагы карды тазалоого 649 көчө тазалоочу жана 116 жүк ташуучу чыкты", - деп билдирет мэрия.
Пикирлер (0)
Пикир жок. Сиз биринчилерден болушуңуз мүмкүн