Бишкекте көпүрөдөн бир адам кулап кеткен

Бишкекте бир адам көпүрөдөн кулап кеткенин Өзгөчө кырдаалдар министрлигинин басма сөз кызматы билдирди.

Түнкүсүн, куткаруу кызматына күбөлөр А.Токомбаев жана Сухэ-Батор көчөлөрүнүн кесилишиндеги көпүрөдөн каналга түшүп кетти деп билдиришкен.

Окуя болгон жерге келген куткаруучулар адамды чыгарып, тез жардам тобуна өткөрүп беришкен. Куткаруу иштерине 5 адамдан турган куткаруучулар тобу тартылган.

Алдын ала маалыматтар боюнча, эркек башынан жаракат алган. Жабырлануучу азиат улутундагы 40-45 жаштардагы адам, өздүгү тактала элек.