Бишкекте кошумча дагы үч күндүзгү стационар ачылды

Бишкек шаарында дагы үч күндүзгү стационар ачылды. Бул тууралуу шаардык мэриянын басма сөз кызматы бүгүн, 11-июлда билдирди.

Алардын маалыматы боюнча, кошумча стационардык борбор “Ак-Ордо”, “Ак-Босого” жаңы конуштарында жана Аламүдүн-1 кичи районунда иштеп жатат.

"Ак-Босого” жаңы конушундагы №81 мектептин имаратында - 40 орун, "Ар-Ордодо" №96 мектептин имаратында - 30 орун даяр болду. Ал эми Аламүдүн-1 кичи районунда №38 мектептин имаратына 50 кишилик орун бар. Бардыгы биринчи бейтаптарын кабыл ала баштады.

Буга чейин Бишкекте 9 күндүзгү стационар ачылган. Анда медициналык жардам эртең мененки саат 8:00дөн 20:00гө чейин көрсөтүлөт. Эскерте кетсек, күндүзгү стационарлар калаа башчысы Азиз Суракматовдун тапшырмасы менен ыкчам ачылган.