Бишкекте күндүзгү жана түнкү стационарларга кайрылгандар кыйла азайды, - мэрия

Бишкек шарындагы күндүзгү жана түнкү стационарларга өткөн суткаларга караганда кайрылгандар аз болду. Бул тууралуу мэриянын басма сөз кызматы 23-июлда билдирди. 

Маалыматка караганда, 22-июлда күндүзгү стационарлар 2 миң 905 адамга медициналык жардам көрсөткөн. Салыштырмалуу бир жума мурун күнүнө 4 миң  500 адам кайрылып жаткан. Ал эми 23-июлга караган түнү түнкү стационарларга 581 адам кайрылган.

23-июлга карата күндүзгү стационарларга жалпы 63 миң 130 адам кайрылып, 330 адам ооруканага жаткырылган. Ал эми түнкү стационарлар 15-июлдан 23-июлга чейин 4 миң 898 жаранды кабыл алып, 16 адам ооруканага жаткырылган.