Бишкекте маршруттук таксилер бүгүн да иш таштады

Бишкекте бүгүн, 3-июнда маршруткалардын айдоочуларынын иш таштоосу уланууда.

Шаарда коомдук транспорттун жетишсиздиги байкалууда. Жеке унаадагы шаардыктар аялдамадан турган адамдарга ала кетүүнү сунуштап жатышат.

Троллейбус жана автобустар гана иш алып барууда.

Эскерте кетсек, кечээ, 2-июнда борбор калаада маршруттук таксилердин айдоочулары жол кире акысын көтөрүп берүү талабы менен иш ташташкан. Бирок, муниципалитетте жол киреге тарифти көтөрүү маселесин сентябрга калтыруу чечими кабыл алынган.