Бишкекте шахмат аллеясы курулат

Бишкекте Биринчи Май районунун аймагында шахмат аллеясы пайда боло турганын шаардык мэрия билдирди.

Алардын айтымында, мекемеде кыймылы чектелүү жарандар үчүн шарттар түзүлүп, отургучтар жана таштанды челектери орнотулат.

«Жакынкы аралыкта жайгашкан жери аныкталып, аллеянын эскиздери долбоорлонуп жатат», — деп айтылат билдирүүдө.

Мындай шахмат аянтчасында үстөл оюндарынын күйөрмандары убакыт өткөрө ала тургандыгы, келечекте чоңдор, мектеп окуучулары жана мектеп жашына чейинки балдар арасында шахмат ойноо боюнча турнирлерди жана мастер-класстарды өткөрүү пландалууда.