Бишкекте жеңил унаа жөө адамды сүзүп кетти

Бишкекте Daewoo Nexia үлгүсүндөгү унаанын айдоочусу жөө жүргүнчүнү  сүзүп кетти. Бул тууралуу  Милициянын кайгуул кызматынан билдиришти.

Маалым болгондой, кырсык бүгүн саат 8:30 чамасында Баялинов жана Махатма Ганди көчөлөрүнүн кесилишинде болгон.

"Daewoo Nexia үлгүсүндөгү унаанын айдоочусу Махатма Ганди көчөсү менен түштүктөн түндүктү көздөй бара жатып, жөө адамды сүзүп кеткен. Жабырлануучу Травматология жана ортопедия илим изилдөө борборунун ооруканасына жаткырылды, анын өздүгү такталууда. Унаа айып жайга токтотулган",- деп айтылат маалыматта.