Бишкекте жөө жүргүнчүнү эки унаа сүзгөнү видеокамерага түшүп калган (ВИДЕО)

Бишкек шаарында жөө жүргүнчүлөр өтүүчү жайда Мitsubishi Delica (болжолду) үлгүсүндөгү унаа жолдон өтүп бараткан адамды сүзүп, окуя болгон жерден качып кеткен. Мындай билдирүүнү интернет колдонуучулары таркатты.

Окуя кечээ, 20-августта саат 20:00дөр чамасында Кара-Жыгач конушундагы Анкара жана Дордой көчөлөрүнүн кесилишинде орун алган.

Күбөлөрдүн айтымында, жабырлануучуну тез жардам унаасы алып кеткен. Ага алгачкы жардамды көрсөткөнгө чейин каны көп кетип калган.