Бишкекте жүргүнчү ташыган маршрутка менен жеңил унаа сүзүштү (видео)

Бишкекте кичи автобус менен жеңил унаа сүзүштү. Бул тууралуу милициянын кайгуул кызматынан билдиришти.

Маалыматка ылайык, жол кырсыгы Чүй жана Исанов көчөлөрүнүн кесилишинде саат 11:00 чамасында болгон.

Анда №220 маршруттук унаасы менен Мерседес-Бенц унаасы сүзүшкөн. Кырсыктан улам жеңил унаадан 3 жүргүнчү жабыркап, ооруканага жеткирилген. Азыркы учурда териштирүү иштери жүрүүдө.