Бишкек шаарындагы Уркуя Салиеванын эстелигинин алдында бүгүн, 10-мартта аялдардын укугун коргогон тилектештик акциянын катышуучулары тарабай жатышат. Бул тууралуу жеринен кабарчыбыз билдирди.
Экс-президент Роза Отунбаева баш болуп катышып жаткан тынчтык митингинде аялдарга көрсөтүлгөн зордук-зомбулуктун токтотулушун, алардын бирдей укуктуулугун камсыздоо, саясий иштерге катышуусуна чектөөнү тыюу, жарандык позицияларын ачык билдирүүгө эркиндик берүү жана башка бир топ талаптар коюлду.
Ошондой эле, 8-март күнү болгон маршта аялдардын айрым тобуна милиция кызматкерлери жана чагымчыл топтордун айымдарга көрсөткөн аракеттерине чара көрүлүшүн талап кылышкан.
Учурда уюштуруучулар тарабынан митинг жыйынтыкталсын деп айтылганы менен элдер толук таркай элек.
Пикирлер (0)
Пикир жок. Сиз биринчилерден болушуңуз мүмкүн