Бишкектеги күндүзгү стационарларда 47 миңден ашуун адам дарыланууда

Бишкек шаарында 18-июлга карата күндүзгү стационарлар 45 миң 403 адамды кабыл алды. Бул тууралуу республикалык штаб маалымдады. 

Маалыматка караганда, жалпы 45 миң 403 адамдын ичинен 32 миң 722 адам капельница алып, 21 миң 425 – дарыгердин консультациясын алды, 246 адам ооруканага жаткырылды. Төрт күндүн ичинде түнкү стационарлар капельницага жана консультацияга 1759 адамды кабыл алып, 10 адам ооруканага жаткырылды.

Белгилей кетсек, борбор калаанын ишкерлеринин колдоосу менен стационарлар кычкылтек концентраторлору, пульсоксиметрлер менен жабдылып, көчмө дарыканалар ачылган. Күндүзгү стационарларда 115 кычкылтек концентратору жана 23 дарыкана иштейт, түнкү стационарларда – 51 кычкылтек концентратору жана 5 дарыкана бар.

Жеринде дарыгерлер, медайымдар, санитарлар, ординаторлор жана ыктыярчыялар командасы нөөмөттө турат. Персонал жана ишке тартылган адистер жеке коргонуу каражаттары, тамак-аш, убактылуу турак жайы менен камсыздалган.