Бишкекти дезинфекциялоого 6,2 млн сом жумшалды, - мэрия

Бишкек шаарын дезинфекциялоо үчүн 6,2 млн сом жумшалды. Бул тууралуу мэриядан билдиришти. 

Маалыматка караганда, 18-марттан 27-майга чейин "Тазалык" ишканасы шаардын 191 көчөсүндө, мечиттерде, жаңы конуштарда, обсервациялык жайларда дезинфекциялык иштерди жүргүзгөн. 

Дезинфекциялоо иштерине 76 кызматкер жана 24 атайын техника тартылган. Ага 6 млн  275 миң  245 сомго  21 миң 741 килограмм гипохлорит натрия (хлор) алынган. 

27-июндан 3-июлга чейин дезинфекциялоо иштери улантылган. Ага 11 атайын техника тартылып, "Тазалык" ишканасынын 11 кызматкери иштеген.