Бишкектин борборундагы Ала-Тоо аянты унаалардын өтүүсү үчүн жабылды

Бүгүн Бишкектин борборундагы Ала-Тоо аянты унаалардын өтүүсү үчүн жабылды.

Кайгуул милициясынын басма сөз кызматы билдиргендей, жол кыймылын чектөө Кыргыз милициясынын 100 жылдыгына карата майрамдык иш-чараларга даярдык көрүүгө байланыштуу киргизилди.

Жол кыймылын чектөө 1-ноябрь саат 12:00гө чейин созулат.

Ошентип, Чүй проспектиси Тоголок Молдодон Абдрахманов көчөсүнө чейин жабылды.

"Айдоочуларды жана шаардыктарды кырдаалга туура түшүнүп, жол жүрүүнү алдын ала пландаштырып алууга чакырабыз", - деп айтылат маалыматта.