Быйыл Кыргызстандын президенти Садыр Жапаровдун жыйынтыктоочу маалымат жыйынын өткөрүү планда жок. Бул тууралуу президенттин басма сөз катчысы Аскат Алагөзов билдирди.
Анын айтымында, мындай чечим өлкө башчынын иш графигине байланыштуу кабыл алынган. Ал катышып жаткан иш-чаралардын алкагында коомчулукту кызыктырган суроолорго жооп берүүдө. Анын ичинде Садыр Жапаров ЖМК өкүлдөрүнүн суроолоруна жооп берип жатат.
«Алдыда Элдик Курултай, облустук жана чет элдик сапарлар турат. Жылдын аягында министрлер кабинетинин жыйыны пландалууда», — деди Аскат Алагөзов.
Эске сала кетсек, президент былтыр дагы жыйынтыктоочу маалымат жыйынын өткөрүүдөн баш тарткан.
Пикирлер (0)
Пикир жок. Сиз биринчилерден болушуңуз мүмкүн