Быйыл жазгы эгин былтыркыга салыштырмалуу 26 пайызга аз эгилди

Кыргызстанда жазгы талаа иштери башталды, - деп кабарлайт Улуттук статистика комитети.

Маалыматка ылайык, март айында белгиленген аба ырайынын туруксуз шарттары (температуранын төмөндөшү менен жаан-чачындын көп болушу) жазгы талаа иштеринин темпинин төмөндөшүн шарттады.

Алсак, үстүбүздөгү жылдын 23-мартына карата республика боюнча жалпысынан 78 миң гектардан ашык жаздык эгин айдалды, бул өткөн жылдын тиешелүү күнүнө караганда 26 пайызга аз.

Жаздык арпа эгилген аянт үстүбүздөгү жылдын 23-мартына карата өткөн жылдын ушул эле датасына жаздык эгин себилген аянтка карата 79,4%, жаздык буудай 69,3%, картошка 68,0%, көп жылдык чөптөр 61,2%, жашылчалар - 50,2% жана май өсүмдүктөрү - 44% түздү.