Боронов: Прогноз боюнча өлкөдө 4,2 млн адам коронавируска чалдыгышы мүмкүн

Өлкө боюнча 4,2 млн адам коронавируска чалдыгышы мүмкүн. Бул тууралуу премьер-министр Кубатбек Боронов 11-августтагы брифингде билдирди. 

"Кыргызстандагы Илимий-консультативдик эксперттик кеңештин алдын ала прогнозу боюнча, бизде 9 жашка чейинки балдардын оорушу дээрлик аз болгондуктан, аларды эсептен алып салганда, коронавируска чалдыгуусу мүмкүн деп – эсептөөгө болжол менен 4,2 млн адамды киргизишип, прогноздор жүргүзүлдү”, - деди Кубатбек Боронов. 

Ал белгилегендей, ачык булактардын маалыматтарына ылайык, элдин 3төн 2 бөлүгү ооруга чалдыккан жок, же симптомсуз өтүп жатат. Ал эми 1,4 млн адамдын ичинен 3төн 1 бөлүгү, же 466 миң адам жеңил формада, дарыгерлердин жардамысыз өтүп жатат.