Шайлоого жумшай турган каражаттарыңарды коронавирус менен күрөшүүгө жумшоого чакырам. Бул тууралуу премьер-министр Кубатбек Боронов 2-июлдагы брифингде билдирди.
Анын айтымында, азыр коронавирус менен күрөшүү үчүн жалпы эл биригиши керек.
"Экономикалык оор кырдаалга карабай, биз үчүн элдин саламаттыгы биринчи орунда турат. Коомдун айрым чөйрөсү катуу жабыр тартышы мүмкүн. Элдин душманы азыр бир гана коронавиус болуп жатат. Элибиз кыйналды. Бул ооруну жеңиш үчүн ар бир жаран өзүнө жоопкерчиликтүү болушу керек.
Кыйын учурда айрыкча жаштар, ыктыярчылар үйдө отурбай, жардам беришкени жана алардын ынтымакташкан иштери мактоого татырлык. Азыр дагы силерден үмүтүбүз чоң. Көп балалуу, аз камсыз үй-бүлөлөр жардам күтүшөт. Биздин ыктыярчылардын иши чоң экенин түшүндүк. Кыйынчылык башка түшкөндө бири-бирибизге жардам берели", - деди премьер-министр.
Пикирлер (0)
Пикир жок. Сиз биринчилерден болушуңуз мүмкүн