Бразилияда коронавирустан каза тапкандардын саны 125 миңге жетиши мүмкүн

Бразилияда COVID-19 вирусу аныкталган 30 925 учур катталды. Соңку сутка ичинде кесепеттүү вирустан 1473 адам каза тапты деп маалымдады өлкөнүн Саламаттыкты сактоо министрлиги.

Ошентип коронавирустун кылтагына илингендердин саны 614 941 адамга жетип, Бразилия дүйнөдө АКШдан кийинки экинчи орунду эч кимге бербей ээлеп турат. Алардын көз жумгандары 34 021 болду жана илимпоздордун божомолунда ушул жылдын август айында 125 миңге чейин жетиши мүмкүн.