Бүгүн, 23-августта жалпы кыргыз эли Россиянын Ульяновск шаарындагы жол кырсыгынан каза болгондорго байланыштуу аза күтүп жатат. Тиешелүү жарлык президент Садыр Жапаров тарабынан кабыл алынган.
Аза күтүү күнүнө байланыштуу өлкө боюнча жана чет өлкөдөгү дипломатиялык, консулдук мекемелердин имараттарында өлкөнүн туусу ылдый түшүрүлөт.
Ошондой эле маданий мекемелерде жана жалпыга маалымдоо каражаттарында оюн-зоок иш-чаралары, көңүл ачуучу берүүлөр токтотулат.
Эске салсак, Ульяновскидеги жол кырсыгынан каза болгон 14 мекендешибиздин сөөгү бүгүн Кыргызстанга алып келинет.
Пикирлер (0)
Пикир жок. Сиз биринчилерден болушуңуз мүмкүн