Кыргызстан улуттук курама команда 7-сентябрда Үч Улут Кубогу алкагында Бангладеш курама командасы менен ойнойт. Бул беттеш эки команданын тарыхындагы бешинчи жолугушуусу болот.
Бардык беттештерде биздин команда жеңишке жетишкен. Бишкекте командалар эки жолу кез келип, 2008-жылы Чакыруу Кубогунун тандоо турунда беттешкен. Анда Корнилов менен Сыдыковдун голдору бизге 2: 1 эсебинде жеңиш алып келген. 2015 -жылы 2018 -жылдагы Дүйнө чемпиондугунун тандоо турунда Кыргызстан Бангладешти 2: 0 эсебинде уткан. Голдорду Виталий Люкс менен Ильдар Амиров киргизишкен.
Бангладеш командасын англис адиси Джейми Дэй машыктырат. ФИФАнын август айындагы рейтингинде Бангладеш 188-орунга ээ болгон.
Кыргыз Республикасынын Олимпиадалык курама командасы (u-23) быйыл Непалда Үч Улуттун Кубогунун турниринин алкагында Бангладеш курама командасы менен жолугушкан. Анда Бангладеш 1: 0 эсеби менен жеңишке жеткен. Нурбек Жолдошовдун командасы Бишкекте 9-сентябрда реванш алууга мүмкүнчүлүк түзүлдү.
Пикирлер (0)
Пикир жок. Сиз биринчилерден болушуңуз мүмкүн