Жогорку Кеңештин депутаты Жеңишбек Токторбаев кайрадан суракка чакырылды. Бул тууралуу депутат "Ата-Журт-Кыргызстан" жана "Мекенчил" фракциясынын биргелешкен жыйынында билдирди.
Анын айтымында, кечээ ага ИИМдин Башкы Тергөө башкармалыгынан чакыруу келген.
"Биз бул жерде коррупция тууралуу айтсак, Башкы прокуратура бизди суракка чакырды.
Эми бүгүн ИИМге суракка чакырыптыр. "Келбесеңиз өзүбүз алып келебиз" дейт.
Бул деген аша чапкандык. Башкы прокуратурага тергөө мүмкүнчүлүгү берилгенден кийин коррупция күчөп, өздөрү каалагандай калчап жатат.
Ошондуктан булардан тергөө мүмкүнчүлүгүн алып, өзүн президенттин алдында Тергөө комитетин түзүү керек",- деди депутат.
Эскерте кетсек, буга чейин Жеңишбек Токторбаев жана Шайлообек Атазов Башкы прокуратурага суракка чакырылган.
Пикирлер (0)
Пикир жок. Сиз биринчилерден болушуңуз мүмкүн