Чычкан капчыгайына кар көчкү түштү

Чычкан капчыгайында кар көчкү түшүп, жол жабылды. Бул тууралуу Транспорт жана коммуникация министрлигинен билдиришти.

Маалыматка ылайык, көчкү бүгүн, 11-мартта саат 13:30дар чамасында Бишкек – Ош унаа жолунун 255-чакырымына түшкөн. Кар көчкүнүн көлөмү болжол менен 360 куб метрди түзөт.

Азыркы тапта Транспорт жана коммуникация министрлигине караштуу №23 жол тейлөө ишканасынын кызматкерлери жана бир атайын техника жолду кардан тазалоодо.