Кыргызстан менен Азербайжандын ортосундагы экономикалык жана гуманитардык кызматташуу боюнча өкмөттөр аралык комиссиянын бешинчи жыйынынын алкагында бизнес-форум өтөт. Бул тууралуу Улуттук инвестиция агенттиги билдирди.
Форум 26-июлда Чолпон-Ата шаарында өтмөкчү. Форум кызматташтыктын туризм, өнөр жай, айыл чарба, жеңил өнөр жай, саламаттыкты сактоо, мейманкана жана ресторан бизнеси, архитектура жана курулуш (инженерия), маалыматтык технологиялар, логистика жана эл аралык транспорт, маркетинг жана консалтинг сыяктуу тармактары боюнча өтөт.
«Биз кызыккан ишкерлерди иш-чарага катышууга чакырабыз. Каттоону шилтеме аркылуу жүргүзсө болот», - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн