Чолпон-Ата шаарындагы "Ден соолук" медициналык-реабилитациялык комплексинин базасында Инновациялык кардиохирургия борборунун ачылышы болду. Бул тууралуу президенттин Ысык-Көл облусунун ыйгарым укуктуу өкүлүнүн басма сөз кызматы маалымдады.
Ачылыш аземге Кыргыз Республикасынын Президенти Садыр Жапаров, Саламаттык Сактоо жана социалдык өнүктүрүү министри Алымкадыр Бейшеналиев, Кыргыз Республикасынын Президентинин Ысык-Көл облусундагы ыйгарым укуктуу өкүлү Мирбек Кожоев катышты.
"Ден соолук" медициналык -реабилитациялык комплексинин поликлиникалык имаратынын базасында жүрөк-кан тамыр оорулары бар бейтаптарды дарылоо үчүн операциялык бөлүмү бар 20 орундуу кардиохирургия бөлүмү ишке кирди. Бул жерде 2 күн мурун Түп районунун Балбай айылынын 7жаштагы тургуну, Умар Асылбек уулунун жүрөгүнө ийгиликтүү операция жасалган, ал тубаса жүрөк кемтиги менен төрөлгөн.
Пикирлер (0)
Пикир жок. Сиз биринчилерден болушуңуз мүмкүн