Чолпон-Атадагы оорукананы оңдоо иштери ​80 пайызга бүттү

Чолпон-Ата ​ шаарындагы 70 орундуу аймактык ооруканасынын жугуштуу оорулар бөлмөсүнүн капиталдык оңдоп-түзөө иштери 80%га аткарылып жана толук кандуу жүрүүдө. Бул тууралуу республикалык штабдан билдиришти. 

Маалыматка караганда, имараттын демонтаждоо иштери 100%га аткарылып, эски эшик-терезе, инженердик түтүктөрү ажыратылып жана дубалдардын шыбактары түшүрүлгөн.

"Бүкүнкү күнгө жасалгалоо жумуштары боюнча чатырдын кайрадан 80%га жабылып бүтүп жана ички жасалгалоо жумуштары 100%ды түздү. 

Ошондой эле ​ электромонтаж 85%, сантехникалык жумуштар 50% жаңы терезелер орнотулуп, сырткы шыбак жана имараттын маңдайын жасалгалоо жумуштары 95%га бүттү.

Учурда канализация жана суу түтүктөрүн орнотууга траншея казылып бүттү", - деп айтылат маалыматта.