Жол-транспорт кырсыктарынын көбөйүшүнө байланыштуу туристтик мезгилде Чүй жана Ысык-Көл облустарынын Кемин шаарында, Балыкчы шаарында, Чок-Тал айылында жана Чолпон-Ата шаарына посттор коюлат. Бул тууралуу республикалык жол кыймылынын коопсуздугун камсыздоо башкы башкармалыгынан билдиришти.
Анда посттордо мас абалында транспорт каражаттарын башкаруу, тиешелүү документтерсиз унаа каражаттарын башкаруу, терезелери караңгылатылган унааны башкаруу жана башка ушул сыяктуу жол кыймылынын эрежелерин одоно бузган фактылар аныкталат. Жогоруда аталган посттордо жол кыймылынын кызматкерлери жана наркологдор жана журналисттер иштешмекчи.
Эгерде сиз жол кыймылынын эрежесин бузган фактыга күбө болсоңуз, анда дароо жол кыймылын коопсуздугун камсыздоо бөлүмүнө кабарлаңыз. Байланыш телефону 0312 63 09 01, 0556 63 00 09.
Пикирлер (0)
Пикир жок. Сиз биринчилерден болушуңуз мүмкүн