Киргшелк карантиндик-санитардык посттунда жасалма документи менен айдоочу кармалды. Бул тууралуу Жол кыймылынын коопсуздугун камсыздоо башкы башкармалыгынын облустук бөлүмүнөн билдирди.
Маалыматка ылайык, атайын постто Аламүдүн районунун 49 жаштагы Х.А. аттуу тургунунун “Тойота-Чейзер” унаасын текшерген учурда машиненин алдынкы терезесиндеги жабыштырылган уруксат кагазы жасалма болуп чыккан.
Бул окуя кылмыштардын жана жоруктардын бирдиктүү реестрине катталып, 171-берене (документтерди, штамптарды, мөөрлөрдү, бланктарды кол менен жасоо, даярдоо, берүү же пайдалануу) менен сотко чейинки өндүрүш иши башталган.
Пикирлер (0)
Пикир жок. Сиз биринчилерден болушуңуз мүмкүн