Чүйдө милиция балдарга балмуздак таратты (фото)

Чүй облусунун ички иштер органдарынын кызматкерлери балдарды коргоонун Эл аралык күнүнө карата өспүрүмдөргө балмуздак жана таттууларды таратышты. Бул тууралуу Ички иштер министрлигинен билдирди.

Маалыматка ылайык, Москва районунун ички иштер бөлүмүнүн кызматкерлери 1-июнь балдарды коргоонун эл аралык күнүнө карата Беловодсктагы мүмкүнчүлүгү чектелген балдар үйүнө жана Аксуу айылындагы балдар үйүнө белектерди тапшырышкан.

Ошондой эле Жайыл районунун ички иштер органдарынын кызматкерлери да бөбөктөргө балмуздак таркатышып, балдарды жакшы окуп, ата-энелердин айтканын аткарып, келечекте мыкты уул-кыздардан болууга тилектештиктерин билдиришкен.