Чүйдө рулга ээ боло албаган айдоочу оор жаракат алды (видео)

Чүй облусунун Петровка айылында айдоочу рулга ээ боло албай жолдун ортосундагы бетонду сүзүп, натыйжада оор жаракат алган. Бул тууралуу Чүй облусунун жол кыймылынын коопсуздугун камсыздоо башкармалыгынын басма сөз кызматынан билдиришти.

Жол кырсыгы бүгүн, 12-августта катталган. 30 жаштагы айдоочу өзүнүн "Fiat"  үлгүсүндөгү унаасы менен бара жатып, рулду башкара албай, бетонду сүзүп токтогон. Айдоочу кырсыктан улам оор жаракат алып, ооруканага жаткырылган.

Унаа айып короосуна токтотулуп, тийиштүү иштер жүрүүдө.