Кыргызстанда 5 оорукана коронавируска чалдыккан балдарды кабыл алууга даяр

Кыргызстанда бүгүнкү күнгө карата 5 балдар ооруканасы COVID-19 инфекциясы менен жабыркаган балдарды кабыл алууга даяр. Бул тууралуу С.Данияров атындагы КММКДжКЖИнин анестезиология жана реанимация курсу менен педиатрия кафедрасынын башчысы, медицина илимдеринин кандидаты Венера Шүкүрова 2-сентябрдагы брифингде билдирди. 

Анын айтымында, аймактык ооруканаларда балдар үчүн орундар даярдалып жатат. Учурда 2356 орун даяр. 

Ооруканалардын тизмеси: 

- Бишкек шаарындагы Эне жана баланы коргоо улуттук борбору; 

- Бишкек шаарындагы №3 Медициналык тез жардам шаардык балдар клиникалык ооруканасы;

-  Ош шаарындагы облустар аралык балдар ооруканасы; 

- Кара-Суу районунундагы балдар ооруканасы; 

- Бишкек шаарындагы Республикалык клиникалык жугуштуу оорулар ооруканасы.