Өкмөт тарабынан инфекциянын очогунда иштеген, COVID-19 жана пневмония менен ооруп айыккан медициналык кызматкерлердин ден соолугун калыбына келтирүү жана реабилитациялоо иштерин уюштуруу Ысык-Көл облусундагы пансионаттардын базасында жүргүзүлүүдө. Бул тууралуу республикалык штаб билдирди.
Маалыматка караганда, 23-июлдан баштап бүгүнкү күнгө чейин ССМнын буйругуна ылайык, ден соолугун реабилитациялоо жана калыбына келтирүү үчүн 445 медициналык кызматкерлер жөнөтүлгөн.
Реабилитациялоого республикадагы Улуттук борборлордун, жалпы практикалык дарыгерлер борборлорунун, биринчи даражадагы кызматкерлер (ҮМБ), коомдук саламаттык сактоо кызматынын медкызматкерлери жиберилди.
Медициналык кызматкерлердин тизмеси алар иштеген саламаттыкты сактоо мекемелери тарабынан түзүлөт.
Пикирлер (0)
Пикир жок. Сиз биринчилерден болушуңуз мүмкүн