ДССУ COVID-19ду жеңген эң улуу адамды атады

Дүйнөлүк саламаттыкты сактоо уюму коронавирус пандемиясын жеңгендердин арасындагы эң улгайган адамды айтты. 

Маалыматка ылайык, 107 жаштагы Нидерландиялык аял оорудан айыккандардын арасында эң жашы улуу бейтап. Корнелия Рас дартты Түштүк Голандия провинциясынын Гуре-Оверфлакке аралындагы карылар үйүндөгү чиркөөдө кызмат кылып жатып жуктуруп алган. Дүйшөмбү күнү ага дарттан айыкты деген маалымат кагазын бергени айтылат.

Буга чейин инфекциядан айыккандардын арасында эң улгайган бейтап Американын Орегон штатындагы 104 жаштагы адам экени айтылган.