Депутат Азизбек Турсунбаев Ала-Бука районунун тургундары менен жолугушууларды өткөрдү

Бүгүн, 15-июлда Жогорку Кеңештин депутаты Азизбек Турсунбаев Ала-Бука районунун Т. Балтагулов айыл аймагындагы Сафет-Булан айылынынын жашоочулары менен жолугушуу өткөрдү. Бул тууралуу эл өкүлү өзүнүн социалдык баракчасы аркылуу билдирди.

Жолугушууда жергиликтүү тургундар тарабынан бир катар маселелер айтылган. Алардын олуттуулары төмөнкүлөр: 

 - Бир кожолукта 3-4 үй-бүлө жашайт. Айылда Тодо-Таш деген таштак эч ким пайдаланбаган жер бар, ошол жерди турак-жай курууга жер тилкеси катары берүү;

- Айылга бала-бакча курууга көмөк көрсөтүү;

- Ак-Там айылынан Сафед-Булан айылына чейинки жолду асфальттоо;

- Айылга ылайыктуу оорукана курууга көмөк көрсөтүү;

- Айылга чайхана курууга жер табуу;

- Бир кожолукка 700кв электр энергиясына лимит бар. Ал эми бир үйдө 3-4 үй-бүлө жашаса, аларга коюлган лимит жетишсиз болууда, ошол лимитти жогорулатуу маселеси;

- Заркент посттун ачуу (Бул маселени парламент жыйынында буга чейин айтып чыккам).

Эл өкүлү жогорудагы маселелерди тиешелүү мамлекеттик органдарга жеткирип, оң жагынан чечилишине кол кабыш кыларын айткан.