Депутат Мейкинбек Абдалиев «Тазалык» ишканасынын жетекчисинин ишин сынга алды

Депутат Мейкинбек Абдалиев «Тазалык» ишканасынын жетекчисинин ишин сынга алды. Бул тууралуу ал Жогорку Кеңештин жыйынында билдирди.

Анын айтымында, чиновник социалдык тармактарга тынымсыз чыгып, эмгегинин канчалык зор экенин айтып турат.

«Бүгүн эртең менен көчөлөр кардан тазаланбагандыктан көптөгөн жарандар жумушка кечигип келишти. Болгону Манас проспектисине кандайдыр бир жол менен туз себилген, калган көчөлөр карга көмүлгөн. Ал блогерби же ким өзү? Иштегиси келбесе кетсин», - деди депутат.

Белгилей кетсек, "Тазалык" ишканасы борбор калаанын көчөлөрүн кардан тазалоо иштери тынымсыз жүрүп жатканын билдирип, 500 тоннадан ашык туз себилгенин айткан.