Укук коргоо органдарынын кайдыгерлигинен эл өзү кылмышкерлерди соттоого мажбур болууда. Мындай пикирин Жогорку Кеңештин жыйынында депутат Айсулуу Мамашева билдирди.
Анын айтымында, укук коргоо органдары ыкчам чара көрбөй, же соттор кылмышкерлерди актап жибергендиктен эл өзү соттоого мажбур болууда.
"Жакында 16 жаштагы кыздын зордукталышы боюнча айтыйын. Биз мурда зордукталыптыр дегенди кээде-кээде укчу элек. Азыркы учурда абдан зордуктоо көбөйүп кетти.
Буга укук коргоо органдарынын да кайдыгерлиги, аракетсиздиги себеп болду.
Зордуктаган кылмышкерлерди соттор актап жибергендиктен эл ишенбей калды да. Эл да бир жактан туура кылат. Алар мыйзамдуу жол менен өкүмдү күтсө зөөкүрлөр акталып кетип жатат",- деди депутат.
Пикирлер (0)
Пикир жок. Сиз биринчилерден болушуңуз мүмкүн