Депутат калкты милдеттүү түрдө эмдөөдөн өткөрүүнү сунуштады

Жогорку Кеңештин депутаты Евгения Строкова калкты массалык түрдө вакцина алууга милдеттендирүү керек деп эсептейт.

Ал аймактык эксперттердин "Пикир" деп аталган клубунун онлайн-аянтчасындагы "COVID-19дун Кыргызстандагы үчүнчү толкуну: калк жана мамлекет үчүн жаңы чакырыктар жана тобокелдиктер" конференциясына катышты.

Депутат учурда эмдөөгө каршы фейк жаңылыктар көп экенин жана сапаттуу маалымат жеткирүү жагы аксап жатканын айтты.

"Адам укуктары тууралуу канча кыйкырып чыгышса дагы милдеттүү түрдө вакцина алдыруу боюнча аракеттер көрүлүшү керек", — деди Строкова.

Булак: "Спутник Кыргызстан"