Жогорку Кеңештин депутаты Иса Өмүркулов коронавирустан каза болгон медиктерге арнап эстелик тургузууну сунуштады. Бул тууралуу эл өкүлү бүгүн Жогорку Кеңештин кезектеги жыйынында билдирди.
Анын айтымында, оору кайрадан күчөп жатат жана медиктерди керектүү каражаттар менен камсыз кылуу керек.
«Өзүңүздөр билесиздер, башында атайын коргоочу формалары жок, жылаңач колу менен ооруга каршы кармашып келишти. Азыркы учурда мамлекет тараптан көңүл буруу жакшы. Бирок, көзү өтүп кеткен медицина кызматкерлерине эстелик тургузуу боюнча демилге көтөргөн врачтар бар. Демөөрчүлөр да бар. Сиздерге кайрылаарым, күн тартибине коюп, өкмөткө тапшырма берсек. Шаардын көрүнүктүү жеринен орун бөлүп берсе, ошол эл үчүн иштеп, курман болгон медицина кызматкерлерине эстелик тургузсак", - деди Өмүркулов.
Пикирлер (2)