Мамкурулуш техникалык коопсуздук жагынан начар иш алып барат. Бул тууралуу бүгүн, 25-январда Жогорку Кеңештин жыйынында депутат Айсара Абдибаева билдирди.
«Сейсмологиялык институттун директорунун айтымында, тектоникалык өзгөрүүлөргө байланыштуу 12 баллдык жер титирөө күтүлбөйт, балким болгону 6-8 баллга чейин болушу мүмкүн. Бирок биздин имараттар 7-8 баллга да туруштук бере албайт», - дейт ал.
Анын айтымында, кечээ Мамкурулуш курулуш объектилерин текшерип, анализдердин негизинде алар 9 баллга туруштук берет деген жыйынтыкка келген.
«Бирок бул кагаз жүзүндө гана корутунду, аны эч ким текшерген жок. Аны атайын аппарат менен текшериш керек – имаратты 9 баллга чейин чайкап, андан кийин гана алар аман калат деген корутундусун бергиле», - деп кошумчалады ал.
Пикирлер (0)
Пикир жок. Сиз биринчилерден болушуңуз мүмкүн