Жогрку Кеңештин депутаты Дастан Бекешев машиналарды эвакуациялоо бизнеске айланганын айтып, мындай ыкманы токтотууну сунуштады.
Эл өкүлү автоунааларды эвакуациялоо үчүн 2000 сомдон алынарын белгилеп, бул өзүнчө бизнеске айланганын билдирди. Анын айтымында, мындай ыкманы токтотуп, машина токтотулган жерден эле айып пул төлөтүү тартибине өтүү зарыл.
"Эвакуацияга, айып короодо турганы үчүн өзүнчө акы алынат. Айрым учурларда унаалар зыянга учурайт, талкаланып калат. Нааразы болгондорго "сотко кайрылгыла" деп коюшат, бирок сотко кайрылуу андан да көп чыгым алып келет", — деди Бекешев.
Ал эвакуациялоону ири коомдук иш-чаралар учурунда же өкмөттүк маанидеги трассаларда гана колдонууну сунуштаган.
Пикирлер (0)
Пикир жок. Сиз биринчилерден болушуңуз мүмкүн