Депутат президенттин өкүлүнө: Сиз бул жерде жазып отурасыз, бирок маселе чечилбей жатат

Бүгүн, 2-мартта Жогорку Кеңештин депутаты Максатбек Сарыбагышев президенттин парламенттеги өкүлү Алмасбек Абытовго нааразылык билдирди.

"Биз бул жерде элдин көйгөйүн айтып эле келе жатабыз. Сиз жазып отурасыз. Бирок маселе чечилбей жатат.

Же эмне сиз министрликтерге жеткирбей жатасызбы, же алар аткарбайбы? Мен түшүнбөй калдым.

Министрлер айрым депутаттар менен гана иштешеби? Баарына бирдей болуш керек. Эртең министр кызматынан кетет. Аны да унутпашы керек",- деди депутат.

Сарыбагышев Айыл чарба министри жана ветеринардык департаменттин башчысына нааразылыгын билдирди.