Дүйнө чемпионаты: Айпери Медет кызы алгачкы атаандашына жеңилип калды

Кыргызстандык спортчу Айпери Медет кызы Сербиядагы кыз-келиндер күрөшү боюнча дүйнө чемпионатында алгачкы атаандашына утулуп калды.

Айпери Медет кызы 76 кг салмакта мелдештин 1/8 финалында кытайлык Жуан Ванг менен килем үстүнө чыкты. Медет кызынын бутка өтүү ыкмасын Ванг ишке ашыртпай, 7:1 эсебинде жеңип алды. Эгер Жуан Ванг финалга чыкса, анда Айпери Медет кызы көңүл жубатуучу кармашка чыгат.