30-августтан 1-сентябрга чейин ички иштер органдарынын бардык өздүк курамы күчөтүлгөн режимде кызмат өтөйт. Бул тууралуу Ички иштер министрлигинин басма сөз кызматы билдирди.
Эгемендүүлүк күнүн майрамдоодо коомдук тартипти жана коопсуздукту сактоого 11 миңден ашык милиция кызматкери тартылган.
Учурда саптык кароо иштери жүргүзүлүп, форманын кийилиши, керектүү тейлөө документтеринин жана аксессуарлардын болушу текшерилүүдө.
Ар бир облуска жооптуу жетекчилер бекитилип, алар милиция кызматкерлерине кызматтык милдеттерин аткаруу, жарандарга сылык мамиле кылуу боюнча тапшырмаларды беришет.
Пикирлер (0)
Пикир жок. Сиз биринчилерден болушуңуз мүмкүн