Эл аралык издөөдө жүргөн Россиянын жараны кармалды

Ош шаарында эл аралык издөөдө жүргөн Россия Федерациясынын жараны кармалды. Бул тууралуу ИИМдин басма сөз кызматы маалымдады.

Маалыматка караганда,  2023-жылдын 9-мартында ИИМдин Кылмыш иликтөө башкы башкармалыгынын түштүк региону боюнча кызматкерлери Ош шаарынан эл аралык издөөдө жүргөн Россия Федерациясынын жараны 1995-жылы туулган  Х.Р.Ж. кармашты. Ал Ингушетия Республикасынын Малгобек районунун аймагында кылмыш (ири өлчөмдөгү алдамчылык) жасагандыгы  үчүн эл аралык издөөгө алынган. 

 2023-жылдын 11-мартында Ош шаардык сотунун чечими менен Х.Р.Ж. №5 тергөө абагына бир айга камалды.