Эмне үчүн Исхак Пирматов тергөөдө эмес, инаугурацияда отурат?

Бир канча кылмыш иштерге шектүү катары аты айтылып келген Исхак Пирматов 28-январда президент Садыр Жапаровдун инаугурациясында олтурду.  

Буга чейин айрым маалымат каражаттары Пирматовго кылмыш иши козголуп, ал мамлекетке келтирген зыянын төлөп берип жатканын кабарлаган. Бул кабарды укук коргоо органдары да, Пирматов өзү да төгүндөгөн, же тастыктаган эмес. 

Садыр Жапаров Жалал-Абад облусунда эл менен жолугуп жатканда дал ушул Пирматовдун коррупциялык иши айтылып, ага күбө болгондор Исхак Айтбаевичти мамлекетке 500 млн. сомдон ашык зыян келтиргенин билдирген. С.Жапаров да буга көңүл бурула турганын убадалаган. Пирматовдун мындан башка да кылмыш иштерге катыштыгы бар экени айтылып келген. Эмне үчүн тиешелүү органдар Пирматовду жоопко тартпайт? Бул суроонун жандырмагын укук коргоо органдары айтып чыгар..