Туумдан эле "туугузуп" алган энергетиктердин "тизгинин" ким тартат? Ушуга такыр эле акылым жетпей койду. Эмне үчүн электро энергияга убагында төлөсөң деле туум (пеня) чыга берет? Убагында төлөгөндү мындай кой, ашык төлөп койсоң деле туум чыгып келет экен. Буларда өзү бет барбы?!
Билинбегени менен ар бир абоненттен 1,65 тыйындан оңбогондой эле сумма чогулат да. Эринбей төлөм квитанцияларын карасам дайыма эле 59 тыйындан 4 сомго чейин туум чыга берет экен. Элдин бары кечикпей төлөйт да. Бир күн кечиксе, кыш чилдеге карабай өчүрөт.
Энергетиктер эмне эле "эдиреңдейт" - десе, "акылдуу эсептегич" деп коюп туумдан эле "туугузуп" алат окшойт. Булардын "тизгинин тарта турган" бирөө жарым барбы өзү?
PS: Мен өткөн айга 66 сом ашык төлөгөм.
Бакай Абдымалик
Пикирлер (1)