Эрбол Султанбаев Кыргызстан ЖККУдан чыгып, НАТОго мүчө болот деген маалыматты төгүндөдү

«Кыргызстан ЖККУдан чыгуу жана НАТОго кирүү маселесин карап жатат» делип социалдык тармактарда таркап жаткан маалымат чындыкка дал келбейт. Бул тууралуу президенттин басма сөз катчысы Эрбол Султанбаев билдирди.

«Жалган жана чагымчыл маалыматтарды таркатуудан карманууну өтүнөм, ошондой эле анык жана расмий булактарга ишенүүгө чакырам», - деди президенттин басма сөз катчысы.