Эреже бузгандарга айып салат. Бүгүндөн баштап мотокайгуул башталды

Бүгүндөн баштап Бишкек шаарында кайрадан мотокайгуулдар ишке кирди, - деп билдирет Милициянын кайгуул кызматы.

Маалыматка ылайык, алар автокайгуул сыяктуу эле жол эрежесине протокол түзө алышат.

Бишкек шаардык милициянын кайгуул кызматынын курамындагы туристик милициясы чет элден келген эс алуучулардын коопсуздугу үчүн эле эмес, туристтер тараптан жергиликтүү мыйзам же коомдук жүрүм-турум эрежелеринин сакталышын да көзөмөлдөп, андан тышкары, электроскутерлер менен эс алуу бакчаларында жана унаа каражаты кире албаган аймактарда коомдук тартипти сакташат.

Эске салсак, кайгуул кызматынын туристик милициясы эгерде эреже бузуулар болсо, жөө адамдарга гана эмес, айдоочуларга да айып сала алышат.