Эртең Ахунбаев көчөсүнүн бир бөлүгү убактылуу жабылат

Эртең, 3-сентябрда, Бишкектеги Иса Ахунбаев атындагы көчөнүн бир бөлүгү жабылат. Бул тууралуу калаа мэриясынан билдирди.

Маалыматка ылайык, Ахунбаев көчөсү менен Бакаев көчөсүнүн кесилишиндеги жерде канализациялык коллекторду куруу иштери жүрөт.

“Буга байланыштуу 3-сентябрда саат 06:00дөн кечки саат 22:00гө чейин унаа кыймылы үчүн жол жабылат. Мындан улам №5 троллейбустук каттамдын кыймылы жарым-жартылай өзгөрүп, түштүк багыты боюнча Абдрахманов, Байтик баатыр, Аалы Токомбаев көчөлөрү менен каттамын улантат. Ал эми №14 троллейбус 3-сентябрь күнү толугу менен линияга чыкпайт”, — деп билдирди мэрия.

Шаар бийлиги ыңгайсыздык үчүн бишкектиктерден кечирим сурап, каттамды алдын ала пландап алууну өтүнөт.